Күншуақ жазғы лагерінде тәрбиелік мәні зор әрі қызықты іс-шара ұйымдастырылды. Лагерь жетекшілері П. Жантуреева мен М. Әбдімәжиттің ұйымдастыруымен оқушылар қазақ халық ертегілерінің кейіпкерлеріне айналып, «Шалқан» және «Бауырсақ» ертегілерін сахналық қойылым түрінде көрсетті. 
Шара барысында балалар өз рөлдерін жоғары деңгейде сомдап, актерлік шеберліктерін, шығармашылық қабілеттерін және сахна мәдениетін таныта білді.
Мұндай танымдық әрі тәрбиелік іс-шаралар балалардың қиялын дамытып, әдебиетке деген қызығушылығын арттырумен қатар, достыққа, ұйымшылдыққа және өзара сыйластыққа тәрбиелейді. 
Ертегілер әлеміне саяхат жасаған бүлдіршіндер көтеріңкі көңіл-күй мен ұмытылмас әсерге бөленді
